तलाउमा त्यो मनको पौडिउ जस्तो लाग्यो
आज तिमीलाई सिंगो मन दिउ जस्तो लाग्यो |

कसैले तिमीलाई को हो भनेर सोद्दा
तिमीलाई आफ्नो मान्छे भन्दिउ जस्तो लाग्यो |

होइनौ तिमी चन्द्र न त हु मै समुन्द्र
तर त्यो रुप देख्दा उर्लिउ जस्तो लाग्यो |

सक्ने भए आफैलाई गुच्छा बनाई फुलको
त्यो चुल्ठीमा सुटुक्क सिउरिउ जस्तो लाग्यो |

सधै सबैको सामु गम्भीर बनेर बाचे
तिमीसामु आज बच्चा बन्दिउ जस्तो लाग्यो |
                                                               
                                                               -राजेन्द्र चोथाले