गीत
छ भने कोही तिमीभित्र बसेको
अरु नै छ ममा भनेर बताऊ
तर खाली भए अझै पनि त्यो मन
यो मनलाई त्यो मनको साथी बनाऊ |
तिम्रो पनि आफ्नै रहर हुन सक्छ
सोचाइको बेग्लै लहर हुन सक्छ
छ भने कोही ती आँखामा अटेको
म खोस्न चाहन्न अरुको त्यो ठाउँ
तर खाली भए अझै तिम्रा आँखा
मतिर पनि एक दृष्टि उठाऊ |
मलाई थाहा छ माया कस्तो हुन्छ
स्वप्ना बोकी आँखा कसो गरी रुन्छ
छ भने कोही तिम्रो स्वप्ना बनेको
म हाँस्दै सहन्छु ममा दुख्ने घाउ
तर खाली भए अझै तिम्रा स्वप्ना
ती स्वप्नाहरुमा मलाई अटाऊ |